У складзе БАТЭ на выязны матч з "Арсеналам" адправіліся 22 футбалісты

Футбалісты барысаўскага БАТЭ сёння адправіліся ў Лондан, дзе будуць рыхтавацца да матчу 1/16 фіналу Лігі Еўропы з "Арсеналам", паведамілі БЕЛТА ў прэс-службе 15-разовых чэмпіёнаў Беларусі.

Трэнерскі штаб БАТЭ на чале з Аляксеем Багам уключыў у выязны склад 22 футбалісты:

варатары - Аляксандр Свірскі, Антон Чычкан, Дзяніс Шчарбіцкі;

абаронцы - Дзмітрый Бяссмертны, Захар Волкаў, Аляксей Рыяс, Ягор Філіпенка, Аляксандр Філіповіч;

паўабаронцы - Дзмітрый Бага, Яўген Бярозкін, Аляксандр Глеб, Станіслаў Драгун, Эрвейн Мукам, Аляксандр Нямірка, Андрэй Патапенка, Слабадан Сімавіч, Ігар Стасевіч, Яўген Яблонскі;

нападаючыя - Боян Дубаіч, Неманья Міліч, Максім Скавыш, Ясэ Туамінен. З-за траўмы камандзе не зможа дапамагчы форвард Уладзіслаў Мухамедаў.

У дамашнім матчы 1/16 фіналу ЛЕ барысаўчане адолелі футбалістаў "Арсенала" з мінімальнай перавагай 1:0 - дзякуючы голу Станіслава Драгуна ў канцы першага тайма.

Паядынак у адказ адбудзецца 21 лютага на лонданскім стадыёне (пачатак у 20.55). Футбалісты БАТЭ яшчэ ні разу не выходзілі ў 1/8 фіналу кантынентальных турніраў.