Моўная версія ў стадыі напаўнення
Адрас: 247802, г.Нароўля,
вул. Камуністычная, 3
Е-mail: isp@narovlya.gov.by
Тэлефон: (+375 2355) 2-12-10
Тэлефон-факс: (+375 2355) 2 13 21
У рамках конкурсу грамадзянскіх ініцыятыў на тэрыторыі Гомельскай вобласці ў аграгарадку Галоўчыцы У Нараўлянскага раёна праведзены работы па рамонце наяўнага вулічнага асвятлення з дабаўленнем дэкаратыўнага асвятлення тратуарных дарожак і помніка на брацкай магіле савецкіх воінаў і партызан. Акрамя таго, для юных жыхароў населенага пункта ўстаноўлены гульнявы комплекс.
— Сумеснымі намаганнямі мы робім наша жыццё лепшым. Мясцовыя жыхары не толькі прапанавалі ідэю, але і самім прынялі ўдзел у яе распрацоўцы і рэалізацыі, - пракаментаваў старшыня Галоўчыцкага сельскага Савета дэпутатаў Іван Субоцін. — Разам мы наводзілі парадак у парку, манціравалі дзіцячую пляцоўку, усталёўвалі лаўкі, урны. Усё ж ведаюць, да таго, што зроблена сваімі рукамі, заўсёды ставяцца больш беражліва, гэта становіцца аб'ектам гонару за малую радзіму і за свой удзел у яе лёсе.
Для атрымання гранта на рэалізацыю ініцыятывы неабходна было аформіць яе ў фармаце праекта, указаўшы тыя праблемы, якія трэба вырашыць. Прапісаць актуальнасць, разлічыць меркаваную суму для ўвасаблення ў жыццё ініцыятывы. Рашэнне аб фінансаванні прымаў Гомельскі абласны Савет дэпутатаў.
- Думаю, што ролю ў станоўчым вырашэнні пытання адыграла яго сацыяльная значнасць. Да таго ж, на тэрыторыі парка знаходзяцца аб'екты гісторыка-культурнай спадчыны, якія могуць прывабіць турыстаў. На рэалізацыю задуманага нам выдзелена 6 000 рублёў, - адзначыў Іван Віктаравіч.
Гульнявы комплекс карыстаецца папулярнасцю ў мясцовай дзятвы. Усталявалі яго побач з сельскім домам культуры. У пытанні добраўпарадкавання парка ёсць асобныя нюансы, але старшыня сельсавета запэўнівае, што гэта толькі справа часу. З падтрымкай неабыякавых грамадзян і арганізацый раёна ў хуткім часе ўсё ўдасца вырашыць.
Конкурс грамадзянскіх ініцыятыў дазваляе заахвоціць і распаўсюдзіць у рэгіёне найлепшыя практыкі актыўнага ўдзелу грамадзян у мясцовым самакіраванні.