Моўная версія ў стадыі напаўнення
Адрас: 247802, г.Нароўля,
вул. Камуністычная, 3
Е-mail: isp@narovlya.gov.by
Тэлефон: (+375 2355) 2-12-10
Тэлефон-факс: (+375 2355) 2 13 21
У перыяд паводкі некаторыя нараўлянскія прыватныя падворкі знаходзяцца паблізу зоны падтаплення. У мэтах папярэджання надзвычайных сітуацый, выкліканых уздымам ўзроўню вады, гэтыя тэрыторыі пастаянна кантралююцца раённымі службамі, якія забяспечваюць бяспеку, у тым ліку і прадстаўнікамі АСВОД і РАНС.
Так, чарговы рэйд па месцах падтапленняў правялі работнік выратавальнай станцыі Валерый Ніканчук і першы намеснік начальніка Нараўлянскага РАНС Максім Салянікаў. Падчас мерапрыемства было наведана затока ракі Прыпяць па вуліцы Дзяржынскага.
- Мы ў курсе наяўнай абстаноўкі, штодня інспектуем падтопленыя тэрыторыі, - распавёў Максім Аляксандравіч. - З жыхарамі праводзіцца тлумачальная праца, ратавальнікі інфармуюць насельніцтва аб тым, як падрыхтавацца да магчымага падтаплення, даюць рэкамендацыі па мінімізацыі рызык, звязаных з пажарамі на падтопленых тэрыторыях.
Узровень вады паступова зніжаецца. Але начальнік Нараўлянскай выратавальнай станцыі Віктар Бадалей адзначае, што, нягледзячы на стабілізацыю сітуацыі, нельга ставіцца грэбліва да "вялікай вады".
— Найбольшую небяспеку вясновая паводка ўяўляе для дзяцей. Застаючыся без нагляду бацькоў і старэйшых, не ведаючы мер бяспекі, бо пачуццё небяспекі ў дзіцяці слабейшае цікаўнасці, яны гуляюць на абрывістым беразе. Такая бестурботнасць часам канчаецца трагічна. Увесну трэба ўзмацніць кантроль за месцамі гульняў дзяцей. Раскажыце непаўналетнім аб правілах паводзін у перыяд паводкі, забараняйце ім сваволіць ля вады, спыняйце ліхацтва, - акцэнтуе ўвагу Віктар Аляксандравіч.
Крыніца: https://narovlya.by/novosti/spasateli-narovli-proveli-sovmestnyj-rejd-po-mestam-podtoplenij/