Моўная версія ў стадыі напаўнення
Адрас: 247802, г.Нароўля,
вул. Камуністычная, 3
Е-mail: isp@narovlya.gov.by
Тэлефон: (+375 2355) 2-12-10
Тэлефон-факс: (+375 2355) 2 13 21
У ходзе датэрміновага галасавання сям'я Галіны і Уладзіміра Нямахавых, якая выхоўвае ў доме сямейнага тыпу 9 дзяцей, вызначылася з выбарам кандыдатаў у дэпутаты і аддала за іх свае галасы.
Пытанне, ці трэба ісці на выбары ці не, перад Галінай Васільеўнай і Уладзімірам Філіпавічам не стаяла. Гэтай важнай палітычнай падзеі яны надаюць вялікае значэнне. Таму пасля працоўнага дня, калі вялікая сям'я ў зборы, прыйшлі на выбарчы ўчастак №4, які размешчаны ў будынку СШ №2 ім. І.М. Шаўрэя.
- Мы хочам жыць у спакойнай, стабільнай і добраўпарадкаванай краіне, каб у Беларусі і надалей захоўваўся мір і бяспека. Для нас удзел у выбарах - падзяка дзяржаве за клопат аб дзецях, за сацыяльную падтрымку, - пракаментавалі муж і жонка.
Галіна і Уладзімір Нямахавы - людзі з актыўнай жыццёвай пазіцыяй. Менавіта такія якасці яны імкнуцца разьвіваць у дзецях. Таму на такія важныя мерапрыемствы яны ўвесь час бяруць іх з сабой, каб хлопцы ўсведамлялі, што голас кожнага беларуса вельмі важны. Пройдзе зусім няшмат часу, выхаванцы дома сямейнага тыпу, безумоўна, рушаць услед іх станоўчаму прыкладу.