Навіны раёна
1 лістапада 2023
З працоўным візітам на ААТ «Чырвоны Мазыранін»
У рамках рабочага візіту намеснік прэм'ер-міністра Леанід Заяц, памочнік Прэзідэнта - інспектар па Гомельскай вобласці Юрый Горлаў, губернатар Гомельскай вобласці Іван Крупко, старшыня БДКПП "Белдзяржхарчпрам" Алег Жыдкоў наведалі ААТ "Чырвоны Мазыранін".
Госці азнаёміліся з вытворчасцю кандытарскіх вырабаў. Выканаўчы дырэктар фабрыкі Аляксандр Піляк расказаў аб становішчы спраў, асноўных рынках збыту, адзначыўшы, што прадукцыя аднаго са старэйшых кандытарскіх прадпрыемстваў рэспублікі вырабляецца толькі з натуральных інгрэдыентаў.
ААТ "Чырвоны Мазыранін" за 9 месяцаў бягучага года на экспарт паставіла 654 тоны прадукцыі на суму 1 млн 342 тыс. долараў ЗША, што на 39 тон больш у параўнанні з аналагічным перыядам мінулага года. Замежная геаграфія паставак уключае ў сябе Арменію, Азербайджан, Казахстан, Ізраіль, Расія - найбуйнейшы спажывец нараўлянскай кандытаркі. У гэтую краіну ідзе 95% экспартаваных прысмакаў. На ўнутраным рынку за 9 месяцаў рэалізавалі 1744 тоны прысмакаў на суму 11 млн 161 тыс. бел. руб.
- Самае галоўнае - гэта планавая мадэрнізацыя. Уладкоўвае, у прынцыпе, усё: рэнтабельнасць, прыбытак, загружанасць прадпрыемства. Гэта значыць, у рамках рынкавай сітуацыі прадпрыемства працуе нармальна. Але трэба глядзець хаця б на гадоў пяць наперад. Таму мы сёння яшчэ раз на ўзроўні курыруючага віцэ-прэм'ера, старшыні Канцэрна дамовіліся, што далейшая рэканструкцыя будзе ісці 50 на 50, г.зн. бюджэт вобласці і праграма Канцэрна. Тое, што мы абяцалі год таму па праграме рэканструкцыі, не адмяняецца, - падзяліўся старшыня аблвыканкама Іван Крупко.
Кіраўнік раёна Уладзімір Антоненка адзначыў, што стаіць задача на працягу двух гадоў правесці мадэрнізацыю прадпрыемства.
- Магутнасці прадпрыемства будуць мадэрнізаваны на тры чвэрці. Мы не будзем зачыняць тыя прыбытковыя пазіцыі, якія сёння ідуць на рэалізацыю. Разам з тым, будзем развіваць новыя напрамкі з дапамогай мадэрнізаваных ліній, - падкрэсліў выканаўчы дырэктар ААТ "Чырвоны Мазыранін" Аляксандр Піляк.
Нагадаем, што ў 2024-2025 годзе запланавана рэканструкцыя ірыснага ўчастка з укараненнем новага абсталявання, набыццё і ўстаноўка новай лініі па вырабе тыражаванага ірыса. Гэта дазволіць стварыць новыя працоўныя месцы і павялічыць выручку, пашырыць асартымент.
Крыніца: https://narovlya.by/novosti/obschestvo/vysokopostavlennye-gosti-posetili-oao-krasnyj-mozyryanin/
