30 камплектаў пасцельнай бялізны школьнікі пашылі для пацыентаў палат сястрынскага догляду
Выдатны падарунак людзям, якія знаходзяцца ў складанай жыццёвай сітуацыі, зрабілі навучэнцы сярэдняй школы №3.
Восем дзяўчынак на восеньскіх канікулах у рамках другаснай занятасці пашылі 30 камплектаў пасцельнай бялізны. Са сваім педагогам Аленай Засінец яны працавалі за швейнымі машынкамі па дзве гадзіны на дзень на працягу дэкады.
Юныя швачкі аказалі падтрымку аддзяленню, якое аказвае медыка-сацыяльную дапамогу грамадзянам, якія пакутуюць ад хранічных захворванняў, патрабуюць пастаяннага кругласутачнага медыцынскага назірання і догляду. Школьнікі з падарункамі, зробленымі ўласнымі рукамі, прыехалі ў шпіталь, каб перадаць іх тым, каму яны прызначаліся.
Акрамя таго, на майстрых завялі працоўныя кніжкі, а за сваю працу яны атрымалі першы заработны поплатак. Фінансавала часовую працоўную занятасць моладзі ўпраўленне па працы, занятасці сацыяльнай абароне.