Да 13 чэрвеня на тэрыторыі раёна праводзяцца мерапрыемствы, накіраваныя на прафілактыку ДТЗ, з удзелам веласіпедыстаў
З прыходам вяснова-летняга перыяду, значна ўзрастае колькасць веласіпедыстаў, якія перасоўваюцца як па населеных пунктах, так і па дарогах вобласці, у тым ліку і непаўналетніх, асабліва ў летні перыяд. Гэтыя абставіны павышаюць рызыкі здзяйснення дарожна-транспартных здарэнняў з веласіпедыстамі. Адзіным спосабам папярэджання здзяйснення здарэнняў з'яўляецца строгае выкананне правілаў дарожнага руху з боку, як саміх веласіпедыстаў, так і вадзіцеляў механічных транспартных сродкаў.
Паважаныя веласіпедысты! Вы павінны памятаць асноўныя правілы, а таксама растлумачыць іх дзіцяці:
- катацца бяспечней за ўсё на стадыёнах, у скверах, у дварах або ў жылых зонах, дзе мала аўтамабіляў і немагчыма развіць вялікую хуткасць;
- ездзіць неабходна па спецыяльных веласіпедных дарожках, а калі іх няма-па ходніках, не замінаючы пры гэтым пешаходам;
- праезная частка дарогі - не месца для язды на ровары;
- выязджаць на ровары на праезную частку дарогі ў выпадку неабходнасці дазволена толькі дзецям, якія дасягнулі 14 гадоў;
- неабходна абавязкова карыстацца сродкамі абароны: шлемам, накаленнікі, налакотнікі, накладкамі на запясце, а таксама ў цёмны час сутак павязкамі, паясамі, камізэлькамі са святлоадбівальнымі элементамі.
Важна! Веласіпедыст абавязаны перасякаць праезную частку дарогі па веласіпедным пераездзе або веласіпеднай дарожцы, а пры іх адсутнасці – па пешаходным пераходзе, на скрыжаванні па лініі тратуараў або абочын, не ствараючы перашкод для руху пешаходаў. Таксама, згодна з новаўвядзеннямі ў ПДР, пры перасячэнні праезнай часткі веласіпедыст мае права не спешвацца! Але пры пад'ездзе да скрыжавання з праезнай часткай дарогі веласіпедыст павінен загадзя знізіць хуткасць руху і, пераканаўшыся, што выезд на праезную частку дарогі бяспечны, перасякаць яе з хуткасцю пешахода, які ідзе крокам.