На ўчастку № 2 у горадзе Нароўля пачалося датэрміновае галасаванне
![](https://narovlya.gov.by/images/storage/news/000902_439095.png)
У першыя хвіліны аддаць голас за таго ці іншага кандыдата прыйшло каля 10 чалавек. Людзі заходзяць на ўчастак, падыходзяць да сяброў участковай камісіі, бяруць бюлетэні і адпраўляюцца ў кабінку. Урна добра праглядаецца, яна была апячатана перад адкрыццём участку.
Першы, хто выказаў сваё волевыяўленне, старшыня Нараўлянскай раённай рады ветэранаў Іван Грушэўскі:
- Я чалавек пэўных перакананняў, для якога словы "актыўная грамадзянская пазіцыя" - не пусты гук. Удзел у розных выбарах бяру з 1961 года. Лічу сваім абавязкам прыйсці на ўчастак і прагаласаваць. А калі выбар зроблены, то не бачу сэнсу цягнуць да 25 лютага, таму галасую датэрмінова.
Усяго ў Нараўлянскім раёне арганізавана 11 выбарчых участкаў.
Участковыя выбарчыя камісіі будуць працаваць без перапынку на абед. У дні датэрміновага галасавання ўчасткі будуць адкрыты з 12.00 да 19.00, у асноўны дзень - 25 лютага - прагаласаваць за кандыдатаў можна будзе з 8.00 раніцы і да 20.00.