Напярэдадні 106-й гадавіны Кастрычніцкай рэвалюцыі ў Нароўлі прайшоў святочны канцэрт
![](https://narovlya.gov.by/images/storage/news/000902_138749.png)
Увазе гледачоў былі прадстаўлены выстаўкі "Па старонках Кастрычніцкай рэвалюцыі" і "Ленін у Кастрычніку", арганізаваныя работнікамі цэнтральнай бібліятэчнай сістэмы і гісторыка-этнаграфічнага музея. Яркія фотазоны стварыў творчы калектыў РДК, на фоне якіх кожны ахвочы мог сфатаграфавацца.
У канцэртнай зале ўсіх гасцей святочнай праграмы цёпла прывітала вядучая Марта Мудрак, а адкрылі выступленне нараўлянскія салісты Уладзімір Палонікаў і Юрый Рослік выдатнай песняй "Мой адрас Савецкі Саюз".
Сваімі песнямі глыбока кранулі ноткі душы народны хор ветэранаў працы і юная артыстка Надзея Камыш.
Асобай разыначкай гэтай перадсвяточнай сустрэчы стала з'яўленне на нашай сцэне артыстаў з Ельска. Іх бліскучыя нумары не пакінулі абыякавым ніводнага гледача, якія не змаўкаючы апладзіравалі зоркам з суседняга раёна. Выдатныя музычныя кампазіцыі нястомна дарылі нараўлянам салісты Ганна Захарава, Ігар Яцэнка, Алена Кабылінская, а таксама заваражылі сваім талентам вакальны ансамбль "Хутарок" Ельскага гарадскога дома культуры.
На канцэрце гучалі такія музычныя кампазіцыі, як "Са святам, добрыя людзі", "Васільковае каханне", "Расцвела парэчка", "Блакітная ноч", "А я раўную цябе", "Белая чаромха духмяная" і многія іншыя. Артысты падарылі ўсім, хто прыйшоў у гэты вечар на канцэрт, выдатны настрой, настальгію, зарад бадзёрасці, усмешкі на тварах.