Нараўляне прынялі ўдзел у добраахвотнай акцыі «Тыдзень лесу»
![](https://narovlya.gov.by/images/storage/news/000902_869514.png)
У Нароўлі праходзіць рэспубліканская добраахвотная акцыя «Тыдзень лесу», прысвечаная Году міра і стварэння. Арганізатарам мерапрыемства выступіў спецлясгас. Прадстаўнікі раённых арганізацыі высадзілі сотні елачак на тэрыторыі больш за 10 га (10,8 га, калі быць дакладнымі).
Галоўная мэта акцыі — захаванне і прымнажэнне лясоў, прыцягненне ўвагі грамадскасці да вырашэння агульнадзяржаўных задач у сферы ўзмацнення экалагічнай, эканамічнай і сацыяльнай ролі лясоў.
У гэтым годзе Тыдзень лесу ладзіцца ўжо ў шаснаццаты раз. За ўвесь час акцыя палюбілася нараўлянам, амаль усе прадпрыемствы раёна сталі яе пастаяннымі ўдзельнікамі.
Акрамя пасадкі лесу добраахвотнікі могуць паўдзельнічаць ва ўборцы смецця і захламленасці, добраўпарадкаванні месцаў масавага адпачынку.
Стаць удзельнікам акцыі можа кожны. Для гэтага дастаткова звярнуцца ў Нараўлянскі спецлясгас або лясніцтва і заявіць пра сваё жаданне. Лесагаспадарчыя ўстановы забяспечаць валанцёраў неабходным інвентаром і пасадачным матэрыялам, а таксама пакажуць аб’екты, якія маюць патрэбу ў пасадцы лесу.
https://narovlya.by/novosti/fotafakt-naraulyane-prynyali-udzel-u-dobraahvotnaj-aktsyi-tydzen-lesu/