Нараўляне прынялі ўдзел у мітынгу-рэквіеме ў мемарыяльным комплексе «Ола»
![](https://narovlya.gov.by/images/storage/news/000902_888539.png)
У дзень 80-й гадавіны трагедыі ў Хатыні, у мемарыяльным комплексе на месцы спаленай вёскі Ала сабраліся прадстаўнікі ўлады, працоўных калектываў, грамадскіх арганізацый і аб'яднанняў, духавенства і моладзь з усёй Гомельшчыны, каб ушанаваць памяць людзей, па-зверску знішчаных нацысцкімі карнікамі.
Уся Беларусь успамінае адну з найвялікшых трагедый Вялікай Айчыннай вайны. 22 сакавіка 1943 года была сцёртая з твару зямлі Беларуская вёска Хатынь. Фашысты спалілі і расстралялі 149 чалавек, з іх 75 дзяцей. У гады вайны страшны лёс Хатыні толькі ў Гомельскай вобласці падзялілі 1 450 населеных пунктаў, у тым ліку і вёска Ола. Слухаючы словы вядучых, кожны ўсвядоміў і адчуў жахлівасць якая адбылася 14 студзеня 1944 года той трагедыі, якая забрала жыцці 1758 мірных жыхароў, у тым ліку 950 дзяцей.
У той студзеньскую раніцу нямецкі карны атрад акружыў вёску. Людзей заганялі ў дамы, якія затым падпальвалі. Тых, хто спрабаваў уцячы, расстрэльвалі, кідалі ў агонь жывымі. Гэта страшная старонка гісторыі яшчэ раз падкрэслівае, якой цаной заваявана шчасце пад мірным небам. І з'яўляецца перасцярогай, тым хто, цяпер жыве і будучым пакаленням, што падобнае не павінна паўтарыцца.
Удзельнікі мітынгу ўшанавалі памяць загінулых хвілінай маўчання, да манумента ўсклалі жывыя кветкі.