4 ліпеня 2023
Нараўлянскай бібліятэцы прысвоена імя паэта Давіда Сімановіча
![](https://narovlya.gov.by/images/storage/news/000902_204604.png)
Урачыстая цырымонія ў гонар гэтай падзеі прайшла напярэдадні святкавання Дня Незалежнасці.
У мерапрыемстве прынялі ўдзел пляменніца паэта Браніслава Камарэнка, кіраўніцтва раёна, жыхары горада і чытачы бібліятэкі.
Гасцям былі прадстаўлены выставы, якія распавядаюць пра жыццё Давіда Сімановіча, якая цесна звязана з Нараўляншчынай. Тут ён нарадзіўся, сюды ж прыязджаў па натхненне.
Многія з прысутных ведалі Давіда Рыгоравіча асабіста, таму з асаблівым хваляваннем назіралі, як з інфармацыйнай шыльды сарвалі палатно.
Вечар быў напоўнены ўспамінамі, вершамі і добрымі словамі ў адрас вядомага земляка.