Нароўля адзначыла Дзень дзяржаўных сцяга, герба і гімна лёгкаатлетычным забегам
14 мая на галоўнай плошчы горада сабраліся школьнікі, навучэнцы каледжа, прадстаўнікі працоўных калектываў, каб прыняць удзел у лёгкаатлетычным забегу, прымеркаваным Дню Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь.
- Такі забег мы праводзім не першы раз. Упэўнены, што мерапрыемства стане добрай традыцыяй. Ва ўсіх удзельнікаў пазітыўны настрой, вясновае сонца і камфортнае надвор'е спрыяюць бегу, — адзначыў кіраўнік Нараўлянскага раённага фізкультурна-спартыўнага клуба Сяргей Недашкоўскі.
Прынялі ўдзел у забегу больш за 200 удзельнікаў. І хоць спартыўны элемент прысутнічаў – галоўным, усё ж такі быў удзел. Бегунам трэба было пераадолець адлегласць па вуліцы Кастрычніцкай да выязной брамы ў гарадскім парку. Першым да фінішу сярод хлопчыкаў прыйшоў Яўген Нікалаенка, сярод дзяўчынак вызначылася Яна Засінец.
- Такія святы вельмі важныя. Спартсмены з годнасцю падымаюць наш сцяг на п'едэсталах пашаны, а балельшчыкаў заўсёды перапаўняе гонар, калі беларускі сцяг развіваецца на Алімпійскіх гульнях і міжнародных турнірах. Мы з гонарам спяваем гімн. Нашы дзяржаўныя сімвалы аб'ядноўваюць грамадзян усіх нацыянальнасцяў нашай дзяржавы, выхоўваюць у людзей пачуццё патрыятызму, — падкрэсліла начальнік аддзела ідэалагічнай работы, культуры і па справах моладзі Марына Альховік.