Навучэнец СШ № 2 Нароўлі імя І. М. Шаўрэя прыняў удзел у VII абласным турніры па робататэхніцы " ROBOQUEST-Smartagro»
![](https://narovlya.gov.by/images/storage/news/000902_920415.png)
У рамках абласнога этапу рэспубліканскага конкурсу па асновах прафесійнай падрыхтоўкі сярод школьнікаў «JuniorSkillsBelarus» у г.Гомелі адбыўся VII абласны турнір па робататэхніцы «ROBOQUEST-Smartagro».
Удзел у ім прынялі і нараўляне. Сямікласнік Цімафей Кажадуб і настаўнік інфарматыкі сярэдняй школы № 2 імя І.М. Шаўрэя Марыя Яфіменка. Пра "РОББО Класе" які пачаў працаваць з верасня мінулага года мы пісалі раней, а значыць, ёсць пэўныя поспехі.
Арганізатарамі мерапрыемства выступілі: Галоўнае ўпраўленне адукацыі Гомельскага аблвыканкама, ДУА «Гомельскі абласны цэнтр тэхнічнай творчасці дзяцей і моладзі» (Інапарк — Дзіцячы Тэхнапарк).
У рамках фестывалю прайшлі спаборніцтвы ў дысцыплінах "Мабільная робататэхніка», «робататэхніка Arduino», «беспілотныя лятальныя апараты», «Агранамія», «Агратурызм» для малодшай і старэйшай узроставых груп, выстава робататэхнікі і інавацыйных напрамкаў "Разумная сельская гаспадарка" навучэнцаў устаноў адукацыі вобласці, інтэрактыўныя забаўляльныя пляцоўкі, кіберспартыўная пляцоўка Platoon.