Падведзены вынікі працы Моладзевага савета пры Нараўлянскім раённым Савеце дэпутатаў
Паседжанне Моладзевага савета пачалося са змястоўнага выступу старшыні раённага Савета дэпутатаў Алы Навуменкі аб працы савета на працягу 2023 года. У ходзе выступлення былі адзначаны станоўчыя моманты дзейнасці кожнага ўдзельніка і ўсяго савета ў прыватнасці.
Ала Валер'еўна выказала пажаданне аб далейшай рабоце ўжо абноўленага складу Маладзёжнага савета (Папярэдне ў сакавіку пройдзе справаздачна-выбарчы сход, - Заўв. аўтара).
- Кожны з вас - патрыёт сваёй радзімы. Вы не словам, а справай даказалі жыццяздольнасць падобнай формы працы. На працягу года сіламі савета былі арганізаваныя аўтапрабегі, спаборніцтвы, акцыі, сустрэчы і шмат іншага. Мы выязджалі ў іншыя раёны і сустракалі гасцей на Нараўлянскай зямлі, наведвалі кінатэатры і музеі. Былі ў Парламенце, Музеі сучаснай беларускай дзяржаўнасці, Прэзідэнцкай бібліятэцы Рэспублікі Беларусь... адзначыла старшыня райсавета. - Не трэба спыняцца на дасягнутым. Рабіце больш, спрабуйце, прыцягвайце моладзь, навучайце - гэта ваша змена.
У рамках мерапрыемства былі ўручаны Падзячныя пісьмы членам і Ганаровая грамата райсавета старшыні Маладзёжнага савета Дзянісу Сахарчуку.
Прысутныя выказалі свае пажаданні аб далейшай рабоце савета і падзякавалі старшыні раённага Савета дэпутатаў Але Навуменцы за аказаныя дапамогу і ўвагу.