27 снежня 2023
Пракуратура Нараўлянскага раёна далучылася да навагодняй дабрачыннай акцыі "Нашы дзеці"
Навагоднюю эстафету дабра перанялі работнікі пракуратуры раёна, яны пастукаліся ў дзверы да шматдзетнай сям'і Смяхоўскіх з Нароўлі.
Павіншаваць дзяцей з надыходзячымі святамі прыйшлі намеснік пракурора Нараўлянскага раёна Вікторыя Жылінская і памочнік пракурора Кірыл Яфрэмаў.
На парозе дома гасцей сустрэла ветлівая гаспадыня Алеся. Яна гасцінна запрасіла ўвайсці ў дом, правяла ўсіх у прасторны, чысты пакой, дзе з непадробнай цікавасцю і шчырымі ўсмешкамі чакалі прыходу гасцей дзеці.
Работнікі пракуратуры павіншавалі хлопчыкаў і дзяўчынак з надыходзячымі святамі і ўручылі ім падарункі.