Семінар педагагічных работнікаў "Формы і метады выяўлення прыкмет сексуальнага насілля над дзецьмі" прайшоў у Нароўлі
![](https://narovlya.gov.by/images/storage/news/000902_882496.png)
З уступным словам да прысутных звярнулася начальнік аддзела адукацыі райвыканкама Алена Кірганава. Яна падкрэсліла, што сёння востра стаіць праблема насілля ў адносінах да дзяцей, якая можа быць вырашана толькі сумеснымі намаганнямі.
Псіхолаг Нараўлянскай ЦРБ Тамара Каваленка агучыла прыкметы сэксуальнага гвалту ў дачыненні да непаўналетніх. Працягнула тэму семінара ўрач-гінеколаг райбальніцы Марыя Бычык, асвятліў перыяды і алгарытм праходжання медыцынскага агляду непаўналетніх дзяўчынак ва ўрача-гінеколага.
Падчас сустрэчы прысутныя падрабязна разабралі Нацыянальны механізм аказання дапамогі непаўналетнім, якія пацярпелі ад сэксуальнага гвалту і эксплуатацыі.
З аператыўнай абстаноўкай па раёне ўдзельнікаў семінара азнаёміў начальнік раённага аддзела следчага камітэта Павел Васілеўскі.
Намеснік пракурора раёна Вікторыя Жылінская расказала аб адказнасці за злачынствы супраць палавой недатыкальнасці непаўналетніх, адказала на пытанні педагогаў устаноў адукацыі.
Дырэктар сацыяльна-педагагічнага цэнтра Ірына Недашкоўская адзначыла важнасць міжведамаснага ўзаемадзеяння ў пытаннях прадухілення і выяўлення прыкмет сексуальнага насілля над дзецьмі. Яна падкрэсліла, што актуальнасць прафілактыкі жорсткага абыходжання з дзецьмі звязана з тым, што насілле ў адносінах да непаўналетніх або грэбаванне іх асноўнымі патрэбамі аказваюць негатыўны ўплыў на псіхічнае развіццё дзіцяці, парушаюць яго сацыялізацыю, спараджаюць безнагляднасць і правапарушэнні.