Транзітны праезд па тэрыторыі зоны першачарговага адсялення і зоны наступнага адсялення дазволены без атрымання пропускаў
У адпаведнасці з рашэннем Гомельскага аблвыканкама ад 29 мая 2023 г. № 415 «Аб устанаўленні пераліку дарог» на тэрыторыі Нараўлянскага раёна дазваляецца транзітны праезд без атрымання пропускаў праз тэрыторыі зоны першачарговага адсялення і зоны наступнага адсялення, з якіх адселена насельніцтва і на якіх устаноўлены кантрольна-прапускны рэжым, па наступных дарогах (участках):
Р - 37 Міхалкі-Нароўля-мяжа Украіны (Аляксандраўка) - на ўсім працягу дарогі;
Н - 4776 Дзямідаў – Мальцы – Лубень – да а/д Р-37 Міхалкі – Нароўля – мяжа Украіны (Аляксандраўка) — на ўсім працягу дарогі.
Даведачны. Пры транзітным праездзе забараняецца прыпынак і стаянка транспартных сродкаў на тэрыторыях, на якіх устаноўлены кантрольна-прапускны рэжым, а таксама перамяшчэнне пешшу, збор уздоўж дарог ягад, грыбоў, іншых дзікарослых раслін і іх частак.
Па пытаннях атрымання пропускаў для ўезду, знаходжання на тэрыторыях, на якіх устаноўлены кантрольна-прапускны рэжым, грамадзяне і арганізацыі могуць звяртацца па адрасе: г.Нароўля, вул. Савецкая, 2-59, тэл. 8-02355-4-19-16.