У Нараўлянскім раёне дадзены старт пілотнаму праекту «Мы - гаспадары зямлі!»

У мерапрыемстве бяруць удзел дэпутаты Нараўлянскага і Мазырскага раённых Саветаў дэпутатаў, Маладзёжныя саветы, старшыні сельвыканкамаў, прадстаўнікі ўпраўленняў і аддзелаў сельскай гаспадаркі райвыканкамаў.

Уклад саўгаса-камбіната "Зара" ў развіццё Нараўлянскага раёна маладым парламентарыям прапанавалі паглядзець на свае вочы: яны пабывалі на малочнатаварнай ферме ў аграгарадку Завайць.

- На працу чакаем гаспадароў. Працаваць мы навучым, - акцэнтаваў дырэктар СК «Зара» Алег Слінько. - Флагман сельскагаспадарчай галіны Гомельшчыны працуе адказна і на перспектыву. Для моладзі на прадпрыемстве прадугледжаны шэраг прывілеяў, замацаваных у калектыўных дагаворах.

Моладзь не ўпусціла магчымасць задаць пытанні аб зарабатнай плаце, павышэнні прафесійнага ўзроўню, кар'ернай "лесвіцы", вольным часе і многімі іншымі напрамкамі.

— Я сама ўражэнка Нароўлі, зараз працую ў Мазыры. Убачыла раён з другога боку. Ніколі не задумвалася, што ў нас ёсць такія прадпрыемствы і як на іх працуюць людзі. Лічу такі досвед вельмі карысным, — падзялілася меркаваннем малады спецыяліст, настаўнік мазырскай школы Яна Маліноўская.

З аграгарадка Завайць у аграгарадок Вербавічы. У Вербавічах высаджаны бярозавы гай. Добры настрой, свежы вецер і лёгкае кардыё, што яшчэ трэба? А ў аграгарадку з'явіўся сквер "Ад самабытнасці - да сучаснасці". І ўжо навучэнцы, якія наведваюць самабытны экскурсійны аб'ект "Сялянская хата" будуць працягваць закладзены сквер, тым самым паляпшаючы мясцовасць.

У самой «Сялянскай хаце» гасцей чакалі традыцыйныя беларускія стравы, прыгатаваныя ў печы: бліны, патэльня са смажаным мясам і яечняй, юшка, саленні. У час абеду прысутныя падзяліліся меркаваннем аб мерапрыемстве. Агульнае - падобных праектаў павінна быць больш.

Словы падзякі прадстаўнікі маладзёжных саветаў адрасавалі старшыням Нараўлянскага і Мазырскага райсаветаў Але Навуменка і Галіне Кудзін, а таксама дырэктару саўгаса-камбіната "Зара" Алегу Слінько. https://narovlya.by/themes/novosti-narovli/v-narovlyanskom-rajone-prohodit-pilotnyj-proekt-my-hozyaeva-zemli/