У Нароўлі адбылося пашыранае пасяджэнне Прэзідыума раённага Савета дэпутатаў і членаў маладзёжнага савета
![](https://narovlya.gov.by/images/storage/news/000902_737459.png)
У мерапрыемстве прынялі ўдзел члены Прэзідыума раённага Савета дэпутатаў, дэпутаты раённага Савета дэпутатаў, члены маладзёжнага савета пры раённым Савеце дэпутатаў, запрошаныя.
Тэмай абмеркавання стала работа маладзёжнага савета пры раённым Савеце дэпутатаў па арганізацыі вольнага часу, стварэнні ўмоў для развіцця маладзёжных ініцыятыў у сферы дасугавай дзейнасці.
Адкрываючы пасяджэнне, старшыня раённага Савета дэпутатаў Ала Навуменка адзначыла, што члены маладзёжнага савета — гэта маладыя палітыкі, якім не толькі будаваць беларускае грамадства ў будучыні, яны наша сучаснасць, бо могуць уносіць свае канструктыўныя прапановы, як па рэалізацыі маладзёжнай палітыкі, так і па паляпшэнні якасці жыцця на нашай тэрыторыі.
Выступаючы па асноўным пытанні, начальнік аддзела ідэалагічнай работы, культуры і па справах моладзі райвыканкама Марына Альховік распавяла, што ў склад маладзёжнага савета ўваходзяць 15 чалавек. Яго дзейнасць накіравана на развіццё маладзёжных ініцыятыў, прыцягненне ўвагі да праблем моладзі, фарміраванне палітычнай культуры, актыўнай грамадзянскай пазіцыі. Члены маладзёжнага савета прымаюць удзел у рабоце сесій раённага Савета дэпутатаў, у пасяджэннях Прэзідыума, прыёмах грамадзян, прамых тэлефонных лініях, адзіных днях інфармавання, у розных мерапрыемствах і форумах. Такое ўзаемадзеянне дапамагае выяўляць лідараў у маладзёжным асяроддзі, дае магчымасць маладому пакаленню прымаць удзел у вырашэнні тых ці іншых пытанняў, рэалізацыі сацыяльных праектаў.
У ходзе адкрытага дыялогу абмяркоўваліся ідэі, уносіліся карэктывы ў асобныя праекты і ініцыятывы. Маладыя людзі задавалі пытанні, дзяліліся прапановамі. Акрамя гэтага, у іх была магчымасць выслухаць парады і рэкамендацыі больш вопытных калег.
Далей, у рамках святкавання Дня Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь адбыўся аўтапрабег "пад сцягам краіны!». Святочна ўпрыгожаная калона аўтамабіляў, стартаваўшы ад плошчы Леніна, накіраваліся на партызанскую стаянку. У гады Вялікай Айчыннай вайны тут грунтавалася 27-я партызанская брыгада ім. С.М.Кірава і Нараўлянскі падпольны райкам КП(б)Б. У памяць пра герояў, якія падарылі нам мірнае неба, прысутныя ўсклалі кветкі да падножжа стэлы.
Гасцінна сустрэлі гасцей і на памежнай заставе «Кіраў». Прадоўжылася мерапрыемствы ў Кіраўскім сельвыканкаме. У рамках правядзення Дня дэпутата, адбыўся сумесны прыём грамадзян. Пытанні, якія паступілі, тычыліся працаўладкавання і ўстаноўкі тэніснага стала ў сельскім доме культуры. Пытанні растлумачаны заяўнікам і ўзятыя на кантроль.
Таксама адбыўся круглы стол, на якім удзельнікі мерапрыемства абмяняліся думкамі і падвялі вынікі.