Увага! Перавозка дзяцей!
З 11 па 31 мая на Нараўляншчыне праводзяцца прафілактычныя мерапрыемствы пад назвай "Дзіцячы аўтобус", накіраваныя на забеспячэнне бяспекі дарожнага руху пры перавозцы дзяцей. Пра гэта карэспандэнту "ПП" паведаміў чва начальніка АДАІ АУС лейтэнант Яўген Канапліцкі.
Супрацоўнікі АДАІ ўзмоцняць нагляд за захаваннем вадзіцелямі аўтобусаў ПДР. Пры гэтым правераць максімальную колькасць аўтобусаў, якія ажыццяўляюць перавозку груп дзяцей. Яўген Віктаравіч нагадвае, што згодна з пунктам 179 ПДР пры перавозцы груп дзяцей у аўтобусе кожнае дзіця павінна быць забяспечаны асобнымі пасадачным месцам, а ў салоне павінна знаходзіцца не менш аднаго суправаджальніка на дваццаць дзяцей. На аўтобусе спераду і ззаду прымацоўваецца апазнавальны знак «Перавозка дзяцей».
Паважаныя кіроўцы! Калі вы бачыце аўтобусы з апазнавальным знакам "перавозка дзяцей", праявіце ўважлівасць, бо ў гэтых транспартных сродках едуць нашыя з вамі дзеці!
(крыніца: https://narovlya.by/novosti/obschestvo/vnimanie-perevozka-detej/)
Прыпяцкая Праўда