Выбар без бар'ера
![](https://narovlya.gov.by/images/storage/news/000902_171217.png)
На выбарчым участку № 7, што месціцца ў будынку Галоўчыцка-Будзянскага сельскага дома культуры, датэрмінова прагаласаваў мясцовы жыхар Ілля Каламіец. Нягледзячы на тое, што мужчына мае інваліднасць, ён у ліку першых праявіў грамадзянскую актыўнасць.
Як прызнаўся Ілля Аляксеевіч, да выбараў ён заўсёды ставіцца з вялікай адказнасцю і ў сваім жыцці ніколі іх не прапускаў.
- Я прыйшоў, каб выбраць годных дэпутатаў, якія будуць небезуважныя да праблем людзей розных катэгорый, - адзначыў жыхар аграгарадка.
Разам з ім прыйшла на ўчастак і яго жонка Ірына. Яны выхоўваюць чацвёра дзяцей. Сваім прыкладам бацькі паказваюць дзецям, як трэба будаваць жыццё, з упэўненасцю глядзець у будучыню, любіць краіну і малую радзіму.
Крыніца: https://narovlya.by/novosti/obschestvo/vybory-bez-barerov/