Вытворчы студэнцкі атрад прыступіў да працы ў Нароўлі
![](https://narovlya.gov.by/images/storage/news/000902_860303.jpg)
У Нароўлі дадзены старт працы вытворчага студэнцкага атрада "Сласцёны" імя Героя Савецкага Саюза Андрэя Рыгоравіча Корзуна. 23 гімназісты будуць задзейнічаны на кладцы пасцільных вырабаў у цукерачна-мармеладным цэху ААТ "Чырвоны Мазыранін".
Першы сакратар РК ГА "БРСМ" Вікторыя Сінкевіч расказала, што сёлета ў студатрадаўскім руху Нараўлянскага раёна будуць задзейнічаны 70 навучэнцаў ва ўзросце ад 14 гадоў да 17 гадоў. Занятасць школьнікаў забяспечыла ААТ «Чырвоны Мазыранін». З гэтым прадпрыемствам у раённай арганізацыі БРСМ наладжаны цесныя сувязі. Школьнікі будуць працаваць на кладцы пасцільных вырабаў у цукерачна-мармеладным цэху. Да канца лета кандытарская фабрыка прыме яшчэ два студатрады.
Перш, чым пачаць працу, студатрадаўцы прайшлі навучанне па пытаннях аховы працы, тэхнікі бяспекі і ўжо прыступілі да выканання сваіх абавязкаў.