Больш за 400 замежных грамадзян працаўладкаваны ў Гомельскай вобласці па спецдазволах у 2021 годзе
Больш за 400 замежных грамадзян працаўладкаваны ў Гомельскай вобласці па спецыяльных дазволах, паведамляе БЕЛТА са спасылкай на Telegram-канал "Гомельшчына афіцыйна".
Паводле слоў старшыні камітэта па працы, занятасці і сацыяльнай абароне Гомельскага аблвыканкама Пятра Шуцько, такая практыка рэгулюецца законам аб знешняй працоўнай міграцыі і сітуацыяй на ўнутраным рынку працы.
У 2021 годзе па спецыяльных дазволах у вобласці працавалі 405 замежных грамадзян, у тым ліку 196 - Украіны, 74 грамадзяніны Узбекістана, 24 - Таджыкістана. У меншай колькасці - грамадзяне Азербайджана, Грузіі, Малдовы, Польшчы, Турцыі, Італіі і Францыі.
Замежныя грамадзяне былі задзейнічаны практычна ва ўсіх галінах эканомікі, аднак больш за ўсё ў сельскай гаспадарцы, прамысловасці, сферы гандлю і грамадскага харчавання.
Як адзначылі ў камітэце, у некаторых выпадках замежным грамадзянам было адмоўлена ў выдачы спецдазволу, прычым часцей за ўсё па прычыне неадпаведнасці кваліфікацыі заяўленым патрабаванням.-0-