Выстава "Навагоднія цацкі, свечкі і хлапушкі..." адкрываецца ў Гомелі
Выстава "Навагоднія цацкі, свечкі і хлапушкі..." пачынае работу 21 снежня ў цэнтральнай частцы палаца Румянцавых і Паскевічаў, паведамілі БЕЛТА ў Гомельскім палацава-паркавым ансамблі.
Наведвальнікі ўбачаць навагоднія цацкі, вырабленыя з разнастайных матэрыялаў - шкло, кардон, дрэва, пластык, вата, фольга і тых, што ўяўляюць сабой антыкварную каштоўнасць. Так, самыя "юныя" з іх родам з 1980-х, а самыя старыя створаны яшчэ ў канцы 1930-х гадоў.
Як падкрэслілі ў палацы, выстава "Навагоднія цацкі, свечкі і хлапушкі..." - гэта акенца ў маленькую чароўную зімовую краіну, дзе па пушыстых снежных узгорках катаюцца на лыжах і каньках чароўныя фарфоравыя дзеткі. Дзе ззяюць і пераліваюцца шкляныя ледзяшы. Дзе пад убранай ёлачкай чакаюць Дзед Мароз і Снягурачка з гарой падарункаў у яркіх скрынках. Жыхары гэтай цудоўнай краіны - ёлачныя цацкі з мінулага: забаўныя чалавечкі, прыбраныя паненкі, мілыя лясныя звяркі і дзіўныя жыхары марскіх глыбінь, акружаныя цэлым садам з ззяючых блішчынкамі агародніны, садавіны, кветак і, вядома, шароў усіх форм і памераў".
"Яны такія розныя, але нязменна чароўныя і выклікаючыя цёплыя ўспаміны і шчаслівыя ўсмешкі", - сказалі на заканчэнне ў дзяржаўнай гісторыка-культурнай установе і запрасілі ўсіх жадаючых акунуцца ў атмасферу свята і навагодняга цуда.-0-