Моўная версія ў стадыі напаўнення
Адрас: 247802, г.Нароўля,
вул. Камуністычная, 3
Е-mail: isp@narovlya.gov.by
Тэлефон: (+375 2355) 2-12-10
Тэлефон-факс: (+375 2355) 2 13 21
"Беларуснафта" мае намер прырасціць прыкладна 2,3 млн тон здабываемых запасаў нафты па выніках 2023 года. Такімі прагнозамі падзяліўся з журналістамі намеснік генеральнага дырэктара "Беларуснафты" па геалогіі Пётр Поўжык напярэдадні Дня работнікаў нафтавай, газавай і паліўнай прамысловасці, перадае карэспандэнт БЕЛТА.
Паводле даных намесніка генеральнага дырэктара "Беларуснафты" па геалогіі, папярэднія вынікі работы ў 2023 годзе паказваюць, што кампанія прыросціць прыкладна амаль 2,3 млн т здабываемых запасаў нафты. "Такіх рэкордаў не дасягалі ўжо даўно - з пачатку 1980-х гадоў", - дадаў ён.
На прадпрыемстве нагадалі: больш за палавіну запасаў беларускага чорнага золата належыць да катэгорыі цяжказдабыўных. "Таму чым далей і глыбей нашы спецыялісты заглядваюць у дагістарычныя, непралазныя тайнікі палескіх нетраў, тым больш складаныя, а значыць больш дзіўныя адкрыцці. Такая стратэгія сваю мэтазгоднасць поўнасцю апраўдала", - падкрэслілі ў кампаніі.
Вытворчае аб'яднанне "Беларуснафта" створана ў 1966 годзе. Прадпрыемства вядзе пошук, разведку і распрацоўку нафтавых радовішчаў, бурэнне свідравін, здабычу нафты і спадарожнага нафтавага газу ў Беларусі, працуе ў нафтавай сферы іншых краін.-0-